پوراني، ميرڪ سيد محمد عبدالله: ميرڪ سيد محمد عبدالله بن ميرڪ عبدالباقي پوراني 10 رمضان المبارڪ 972هه/11 اپريل 1565ع تي ڄائو، ان وقت هندستان تي جلال الدين محمد اڪبر بادشاهه جي حڪومت هئي، ميرڪ عبدالله سڄي حياتي سنڌ کان ٻاهر رهيو ۽ ڪيترن سرڪاري عهدن تي فائز رهيو. هيءُ شاهجهان بادشاهه جي درٻار ۾ وڏن عهدن تي رهيو ۽ بادشاهه جو مٿس وڏو اعتماد هو، ميرڪ عبدالله 1004 هه/ 1595ع ۾ لاهور ۾؛ 1008هه/ 1599ع ۾ آگري؛ 1010هه/ 1601ع ۾ جونپور ۽ 1013هه/ 1604ع ۾ الهه آباد ۾ ’شيخ الاسلام‘ جي عهدي تي رهيو. هيءُ فـارسـيءَ جـو شـاعر به هو، سندس ڪجهه شعر ’پوراني سادات سکر'>تذڪره پوراني سادات سکر‘ ۾ درج آهن، هن خواجا عبدالقادر جي نياڻيءَ بيبي سلطانه سان شادي ڪئي، جنهن مان کيس 3 پٽ ۽ چار نياڻيون ٿيون، سندس پٽن مان ميرڪ عبدالعظيم پائنده بيگ ارغون جي ڌيءَ بيگم دوست سان شادي ڪئي. ميرڪ عبدالله پورانيءَ 62 ورهين جي ڄمار ۾ 27 صفر المظفر 1035هه/ 28 نومبر 1625ع ۾ وفات ڪئي.
1565.04.11 عيسوي
ميرڪ سيد محمد عبدالله بن ميرڪ عبدالباقي پوراني 10 رمضان المبارڪ 972هه/11 اپريل 1565ع تي ڄائو
1625.11.28 عيسوي
ميرڪ عبدالله پورانيءَ 62 ورهين جي ڄمار ۾ 27 صفر المظفر 1035هه/ 28 نومبر 1625ع ۾ وفات ڪئي.